Qyteti-nyje, Kamza, shtrihet në fillin e hollë të jetës në zgrip, e tendosur në skaje. Aty nyjëtohen liria dhe informalja, e drejta dhe e përligjura, shtetërorja dhe njerëzorja, jeta jonë si nyje për t’u zgjidhur dhe ngërçi i artikulimit të mendimit të lirë.

Në njërin skaj të këtij qyteti shtrihet terreni imagjinar në të cilin projektohet dinjiteti i njeriut, dhë në skajin tjetër gjithë çka prodhon padija e njeriut të nxituar të kapë me vrull ritmin e urbanes. Në njërin skaj gjallon jeta e njeriut që kërkon të ndërtojë mbi mungesën dhe në skajin tjetër njeriu që kërkon të gjejë nyjet me jetën.

Kjo është nyja e parë që shënon fillimin e rrëfimit të ngjarjeve në një qytet i cili kërkon të bëjë dhe të zhbëjë nyjet e veta. Kjo nismë nga një grup të rinjsh do të lejojë që gjërat të dalin në sipërfaqe, të gjenden lidhjet mes ngjarjeve, vendeve, fenomeneve dhe synon që të krijojë një hapësirë të lirë ku secili qytetetar të shprehë mendimin e tij dhe të jetë pjesë aktive e saj.

Në trajtën e një gazete elektronike, do të paraqesim, zgjidhim dhe lidhim nyjet institucionale, kulturore, dhe historitë njerëzore që shkurtojnë dhe zgjasin fillin jetësor të qytetit.

Në Kamëz dimë që shtrohet një rrugë, por nuk e dimë sa dreka shtrohen për të. Dimë që kryetari bën dhe inspektorin e rrugës, por nuk dimë një raport auditimi. Dimë që kemi mbi 10 drejtori, por s’ua shohim as punën as gunën. Dimë që merren shumë veta në punë, por s’i dimë procedurat dhe as CV-të. Dimë që kemi një këshill prej 41 anëtarësh, por nuk dimë në e dinë se për çfarë janë aty. Dimë që çdo muaj marrim nga një fletë lavdërimi kombëtare dhe ndërkombëtare si “Qyteti Yll”, ndërkohë nuk e dimë se kur do ia fillojmë nga pika zero e qytetërimit: gypa dhe kanalizim. E kështu, duke mos u përballur me mosdijen tonë, përshtatemi me injorancën institucionale. Ndërkohë që flasim për përmirësime të kuadrit ligjor për të drejtën e informimit dhe transparencën institucionale, bashkia Kamëz sa vjen dhe bëhet më hermetike.

Letra e mëposhtme u shkrua më 16 prill të vitit 1963, ndërkohë që Kingu qëndronte në burgun e Birmingamit i arrestuar ndër të tjerë më 12 prill për pjesmarrje në fushatën e Birmingamit nga aktivistë të të drejtave civile. Tashmë ajo konsiderohet si një tekst klasik në eseistikën politike amerikane dhe botërore. Letra është një nga shembujt më të jashtëzakonshëm sesi mbrohet një akt politik dhe sesi parashtrohet në gjuhë dhe në tekst...

Faturinoja mundet të jetë profesioni më i çuditshëm…sepse ne jemi të vetmit që ecim në këmbë gjithë kohës brenda një automjeti në lëvizje, i cili është krijuar për të transportuar njerëz…

Që nga 8 gushti i vitit 1991 kur anija tregtare “Vlora” mbushet jo me mallra por me mijëra shqiptarë që duan t’i ikin gjysmë shekulli komunizëm, e deri më sot kur ia mbërriti të marrë statusin e vendit kandidat në BE në qershor të 2014-s, Shqipëria mbetet vend me popullatë të uritur emigratore. Amerika e cila ofron mundësi përmes lotos amerikane, është në mënyrë konstante një pikësynim. Një njeri që aplikon për lotarinë amerikane përjeton një gjendje që ja vlen të ndalesh. Është përjetim që kalon në disa faza..

Bashkia Kamëz në festën e 23 vjetorit të saj si qytet ka menduar të respektojë qytetarët nëpërmjet disa aktiviteteve kulturore dhe nismave të ndërmarra nga këshilli bashkiak. Ajo që para 23 vitesh ngjante më një fushë të madhe ku kishte shumë pak banesa, sot po shkon drejt një qyteti industrial dhe teknologjik…

Mësohet që Këshilli Bashkiak ka organizuar një mbledhje të jashtëzakonshme ditën e djeshme nga ku kanë vendosur që të ndërpresin punimet në rrugën e ardhshme “Bradly Cooper” në Babrru dhe ai fond të ofrohet për rikuperimin e katedrales…

“Absurdi mund të takohet në çdo cep të qytetit”, thoshte shkrimtari Alber Kamy. Një pemë e kalbur mund të shtypë një taksist pa punë, taksia mund të shtypë këmbësorin, xhepisti mund të të grabisë pa u ndjerë, etj, etj. Aksidenti qytetar është përvojë profane…